urduwala.com

User Login

Not yet a Member? Register Now

"Hazaron khwahishen aisi ke har khwahish pe dum nikle"

Zulf~Ghane : Ashaa'r

Contributed by Users or Collected From Internet



zulf bahut mushkil hai duniyaa ka saNwaranaa terii zulfoN kaa pech-o-Kham nahiiN hai [Majaz] chheRatii haiN kabhii lab ko kabhii ruKhsaaroN ko tum ne zulfoN ko bahut sar pe chaRhaa rakhaa hai [Khwamkhah Hyderabaadi] chehare pe mere zulf ko bikhraao kisii din kyaa roz garajate ho baras jaao kisii din [Amjad Islam Amjad] neend us kii hai, dimaaG us kaa hai, raateN us kii haiN terii zulfeN jis ke baazoo par pariishaaN ho ga_iiN [Mirza Ghalib] wo lajaaye mere sawaal par ke uThaa sake na jhukaa ke sar uRii zulf chehare pe is tarah ke shaboN ke raaz machal gaye [Majrooh Sultanpuri] sair-e-bahaar-o-baaG se ham ko muaaf kiijiye us ke Khayaal-e-zulf se 'Dard' kise faraaG hai [Khwaja Mir Dard] idhar Khayaal mere dil meN zulf kaa guzaraa udhar wo khaataa huaa dil meN pech-o-taab aayaa [Bahadur Shah Zafar] kabhii jo nikhat-e-zulf-e-nigaar aa_ii hai fazaa-e-murdaa-e-dil meN bahaar aa_ii hai [Kausar Niyazi] [nikhat-e-zulf-e-nigaar = perfume of (her) hair] [fazaa-e-murdaa-e-dil = (in a) dead heart's environment/air] zulf-e-bar_ham kii jab se shanaasaa_ii hu_ii zindagii kaa chalan mujrimaanaa huaa [Sagar Siddiqui] nak_hat-e-zulf-e-pareshaaN, daastaan-e-shaam-e-Gam subah hone tak isii andaaz kii baateN karo [Firaq Gorakhpuri] [nakhat-e-zulf-e-pareshaaN=disarrayed fragrant hair] jab zulf kii kaalik meN ghul jaaye ko_ii rahii bad_naam sahii lekin gum_naam nahiiN hotaa [Meena Kumari 'Naaz'] tumhaaraa pyaar mere gesoooN kii uljhan ho tumhaare waaste dil kaa chiraaG roshan ho sahar nazar se mile zulf leke shaam aaye [Tasleem Fazli] pareshaaN rahii umr bhar par na chhoRaa terii zulf ne kaj_adaa_ii kaa dhandaa [Zafar Gorakhpuri] zaraa un kii shoKhii to dekhiye, liye zulf-e-Kham_shudaa haath meN mere piichhe aaye dabe-dabe mujhe saaNp kah ke Daraa diyaa [Bahadur Shah Zafar]

Disclaimer : Work that explicitly mentions Barbar Ghazipuri is Copyright Reserved. No Publication or sharing without consent is permissible. To remove/modify any part/content/shayari that infringes/violates anyone's copyright please contact UrduWala Team.





Design by MAJF Technologies and brought to you by GhazalGah